Isang Pagsusuri sa Nakaraang Pagkatalo ni Manny Paquiao

Sinulat ni Allan Ortiz

Maraming espekulasyon ang kumakalat kung bakit natalo ang ating pambansang kamao sa kanyang mga nakaraang laban sa taong ito. Masasabi bang ito’y isang kamalasan o isang pahiwatig sa kanya?

Malaki ang kanyang pananalig at pananampalataya. Sa katunayan sa bawat laban niya ay hindi niya nalilimutang magdasal sa sulok ng ring sa bawat laban nito. Tangan-tangan niya ang isang rosaryo  at sa tuwing siya ay nagwawagi ay inilalabas niya ito at hinahalikan, pagpapakita ng kanyang pasasalamat sa Maykapal na gumabay sa kanya habang lumalaban.

Nagbago ang ihip ng hangin sa kanyang pananalig nang magbago siya ng relihiyon. Nagkaroon ng kakaibang Manny Paquiao. Nagba-Bible Study kasama ang ilang kasama, nagtuturo ng salita ng Diyos sa mga pagtitipon at nagbabanggit ng mga Bible Verse sa bawat interview niya sa telebisyon. Isang bagong Manny Paquiao ang ating nakilala.

Sa kanyang pagkatalo nitong nakaraang Disyembre 9,2012, nagulantang ang lahat dahil ang kanilang idolo at kinikilalang kampeon ng ring, ang isang mahusay na mandirigma ng boxing ay napatumba ng sa ika-6 na round ng kanyang laban. Nang makalaban din niya  si Bardley ay natalo siya dahil sa resultang binigay ng mga hurado sa laban nito. Ngunit isang laban pa rin ang itinakda noong Disyembre 9, 2012 kay Juan Manuel Marquez. Sa kasamaang palad ay hindi naipagtanggol ng ating Pambansang Kamao ang kanyang korona.

Simula pa ay sinasabihan na siya ng kanyang inang si Mammy Dionisia na tumigil na sa boxing. Ito ang lagi niyang hinihiling sa kanyang anak. Ngunit nagpatuloy pa rin si Manny sa kanyang kagustuhang lumaban. Ipinagpatuloy niya ang laban maging sa politika. Ang kanyang desisyong ito ay maaaring may impluwensya ng mga taong nakapaligid sa kanya. Dahil alam nila na malaki ang pagkakataong manalo pa siya sa mga sususnod na laban. Mas malaki rin ang kanilang makukuhang benepisyo maaaring sa iba’t ibang aspeto.

Nasasaad sa Colosas 3: 20-21, Mga anak, sundin ninyo lagi ang inyong magulang, sapagkat iyan ang nakalulugod sa Diyos. Mga magulang, huwag ninyong pagagalitan ng labis ang inyong mga anak at baka masiraan ng loob. Sa Efeso 6: 1-4, Mga anak, sundin niyo ang inyong mga magulang sa Panginoon, sapagkat ito ang nararapat. Igalang mo ang iyong ama’t ina. Ito ag unang utos na may kalakip na pangakong “Ikaw ay giginhawa at hahaba ang iyong buhay sa lupa. Mga magulang, huwag kayong gumawa ng bagay na ikagagalit ng inyong anak. Sa halip, palakihin ninyo sila ayon sa disiplina at kayuruan ng Panginoon. Marapat lamang nakinig si Manny sa kanyang ina dahil alam ng ina ang nakabubuti sa kanyang anak. Ang pagsunod ng anak sa magulang ang isa sa alituntunin na lagging ipinaaalala sa mga nasusulat.

Ngunit maraming mga kaibigan si Manny na ang-uudyok na muling tumuntong ng ring upang patunayan na siya ang pinakamahusay na mandirigma sa larangan na ito. Nakasaad sa Kawikaan 12:26, Ang payo ng kaibigang matuwid ay isang gabay, ngunit ang daang masama ay tungo sa pagkaligaw. Kung hanggad ng mga kaibigan ni Manny ay makabubuti sa kanya ay marapat lamang nagpapayo sila ng maganda sa kanya. Nasusulat sa Kawikaan 12-19, Ang mga nagbabalak ng masama ay mag-aani ng kapahamakan, ngnit ang nag-iisip ng mabuti’y magtatamo ng kagalakan.

Tama nga ba ang bang pakinggan at sundin ni Manny ang mga mungkahi ng mga tao sa kanyang paligid? May mabuti ba silang hanggarin para sa ating Pambansang Kamao? Tama bang mabaliwala ang payo ng isang ina na ang hangad ay  mapabuti ang anak? 

Sa mga umuusig sa pagpapalit ng relihiyon ni Manny, pasintabi po kay Mommy Dionisia, walang kinalaman ang relihiyon sa kanyang pagkatalo. Maaaring ang kanyang pagpapalit ng relihiyon ay pagpapakita ng pagtuklas niya sa katotohanan at tunay na kaligtasan. Kung ang tao ay naniniwlaa sa kanyang Panginoon at sa mga nasasaad sa kasulatan, marapat lamang na isapuso niya ito. Sa kanyang bagong pananampalataya, ito ay isang hamon sa kanya dahil ang Panginoon ay sumusubok kung hanggang saan ang ating paniniwlaa at pananalig sa Kanya. Sabi nga sa Hebrio 6:10-12, makatarungan ang Diyos; hindi Niya malilimutan ang inyong ginagawa at ang pagmamahal na inyong ipinakita at hanggang ngayo’y ipinakikita sa pamamagitan  ng paglilingkod ninyo sa mga hinirang ng Diyos. Nakasaad naman sa James 1:3 The testing of your faith produces patience. Dumaraan ngayon si Manny sa isang pagsubok ng Panginoon. Marapat lamang na manatili siya sa kanyang pananampalataya. Kailangan niya ng mapakita niya ang kanyang tapat na pananalig sa kanyang mga gawa ayon na rin sa James 2:17 Faith by itself, if it is not accompanied by action is dead.

Tanging si Manny lamang ang makakapagdesisyon ng tama sa kanyang buhay. Maraming aspeto na maaari niyang isipin bago niya ibigay ang kanyang desisyon.

Nakapanghihinayang isipin na kung nakinig lamang siya sa kanyang ina ay maaaring taglay pa ng niya ang respeto ng mundo dahil sa kanyang pinanghahawakang tagumpay. Sa kanyang bagong buhay sa kanyang pananampalataya, isuko nawa ni Manny ang kanyang buhay sa Panginoon at Siya na ang kumontrol nito upang umayon sa kanya ang lahat. May plano ang Diyos para sa kanya. Ayon sa Jeremias 29:11 Sapagkat batid kong lubos ang mga plano ko para sa inyo; mga planong hindi ninyo ikasasama kundi para sa sa inyong ikabubuti. Ito ang mga palnong magdudulot sa inyo ng kinabukasang punung-puno ng pag-asa.

Sa pagkatalo ng ating idolo, marapat lamang siyang tularan at hangaan. Hindi madaling tanggapin ang pagkatalo. Ang isang tinitingala at hinahangaan ng lahat ay bigla na lamang magbabago dahilan sa isang pagkakamali; ito ay ang pagkatalo. Nasusulat sa Kawikaan 16:18-19 Ang kapalalua’y humahantong sa pagwasak at ang mapagmataas na isipan ay ibabagsak. Higit na mabuti ang mapagkumbaba kahit mahirap, kaysa makihati sa yaman ng mapagmataas. Hindi siya nagmalaki. Nagpakumbaba siya. Ito ang magandang katangian ng isang bayaning kagaya niya. Katangian na dapat taglayin ng bawat isa sa atin at isinasabuhay ito.

Hangarin ko lamang ay mamulat ang isipan ng mga mambasa, tagahanga, at n gating Idolo sa pangyayaring ito. Walang akong hangaring manira o pasakitan ang mga taong nasa paligid.

‎Monday, ‎June ‎17, ‎2013, ‏‎3:02:47 AM